Antidiskriminacia
O projekto ulavdi sama del e napienge kontra diskriminacia thaj vaš o maripe kontra e stereotipura prkal romano nacinalno minoriteto, e bare akcentosa pe džuvlja save inćaren pe peste i diskriminacia katar buteder riga.
O klidutno cilo e aktuvitunengo si senzibilizacia thaj o barjaripe e kapacitetosko e raštrake akterunengo thaj e civilnone amalipasko vaš o keripe e antidiskriminaciake napiengo (e treningura thaj e kampanje) kana si lav e lingunendar. Pale geja, o reso si vi te cikjaren pe stereotipura thaj i diskriminacia upral i target grupa. E aktivitetura save keren pe si:
- E akredituime treningura vaš sastimaske thaj socijalne bućarutne an 17 komune thaj e forura an i Srbija
- E kampanje vaš maripe kontra e stereotipura thaj i diskriminacia upral e Roma
- O zorjajripe e kapacitetosko vaš i aplikacia e Statutoski tar o instituciengo inćardipe ando kazo e diskriminaciako an i edukacia
- O suporto e Pativale dženeske vaš i protekcia e forutnenge jekhajekhimasko
- O suporto e ombudsmanoske
- O Vazdipe e kapacitetosko e Alijansako kontra i diskriminacia upral e Roma
- I kampanja an i kooperacia e Nacionalnone konsilesa thaj e Republikane zavodosa /instituciasa va i statistika, e cilosa te informiil pe romano khetanipe gadalestar kozom importanto si te e Roma vakharen piro nacionaliteto po avutno lekharipe e forutnengo/cenzuso savo perel an 2021. ber
