I Distribucia e paketunengo e habea thaj e higijenake vastušenca andi cara Zaga Malivuk

E ukherimaske kaj si i pandemia savi čhalavda e Republika Srbija an marto 2020 beršesko, o InR programo dija dumo e aktivitetunenge savenca unzardol pe urgentno mažutipe, infomišipe thaj i prevencia, sar vi e napia vaš o sastaripe e khetanimasko thaj vi o mažutipe e bešutnenge pi teritoria RS save si an maj phari situacia.

O cilo si o ciknjaripe e dukhavimasko e romane familijengo save si an maj phari situacia thaj save dživin an talalstandardne care sar vi aver marginalizuime dženengo andi Srbija (buteberšenge bibućarutne, e džene saven si len invaliditeto, somparvardutne deja, e džuvlja viktimura e nasulimaske, e džene katar butedženenge familije), dži kaj si i kriza sar i konsekvenca e pandemijaki COVID 19. Targetirime sesa 18 jekhora e lokalnone somdirekciake kaj sas unzardo adekvatno thaj efikasno suporto.

Ando ramo e napiengo, keren pe akala aktivitetura:

• Informišipe thaj i prevencia sar vi i bući upral o sastaripe e khetanimasko de katar o COVID 19 viruso;
• Distribucia e habeske, higijenake thaj dezinfekcione artiklunengo vaš maj dukhavde bešutne an 18 partnerikane forura thaj e komune;
• Socio-ekonomikano zorjaripe e Romengo, Romnjengo thaj aver marginalizuime dženengo perdal e harnevakteske buća (pilotiripe e germaniake konceptosko/e napia e bućake angažuimastar Cash for Work / „Khetane e khetanimaske“);
• Drakhinako keripe thaj i bući e vaverikane institucienca po lokalo, o suporto ando zorjaripe e kapacitetunengo e cilosa te del pe maj efikasno respunso thaj o reagiripe pe konsekvence e pandemiake;
• Džiperdutno zorjaripe e lokalnone štabunengo vaš ekstraordinarne situacie te keren i bući e marginalizuime grupenca thaj te pheren lenge trubuimata andi kriza.