12. 3. 2021.

E Germaniaki barjarimaski kooperacia thaj o Ministeriumo vaš manuškane thaj minoritetne hakaja thaj o amalikano dijalogo khetanes dži kaj inkluzia e Romengi

Beogrado 10 marto - O Ministeriumo vaš manuškane thaj minoritetne hakaja thaj amalikano dijalogo thaj e Germaniaki barjarimaski kooperacia savi realizuil o GIZ, semnosarde o haćaripe tar i tehnikani kooperacia an savjako ramo ka intenziviril pe i bući upral i inkluzia e Romengi.

O Haćaripe ka ovel semnosardo ando ramo e projektosko e Germaniake barjarimaske kooperaciako „Inkluzia e Romengi thaj aver marginalizuime grupengi andi Srbija, savo realizuil o GIZ e suportosa de katar nevefunduimo Ministeriumo vaš manuškane thaj minoritetne hakaja thaj amalipasko dijalogo an saveske vasta si o zorjaripe e maškarsektoreske kooperaciako thaj o vurmaripe e strategijenge realizaciako vaš socijalno inkluzia e Romengi thaj e Romnjengi, ačhel ando vakaripe.

„Baro lošalipe si amen ando ilo soske ka khidas khetane o džanglipe thaj finansikano suporto katar i Germania thaj amari voja thaj ageja te ciknjaras bičačunipe thaj bijekhajekhipe save phararen e Romen, soske putarel o vudar akava projekto savo šaj te ovel o labno vaš o vazdipe e hakajenge governosko andi Srbija. Si amen o paćavipe kaj šaj te keras jekh amalipe an savo e Roma thaj aver manuša ni ka oven neso aver po lengo bilačhipe,“ porunčisarda i ministarka Čomić.

I Vastarutni e projektoski (GIZ) katar e Germaniaki barjarimaski kooperacia i Aleksandra Dimić Ugrinaj akcento toda po goda kozom si vastno kaj formirisajlo o Ministeriumo vaš e manuškane thaj minoritetne hakaja thaj o amalipakso dijalogo, kaj del kontributo te vazdel pe o responsabiliteto phandlo e Strategijake implementaciasa thaj kaj zorjarel o proceso e Romenge thaj e Romnjenge inkluziako, ama vi aver marginalizuime grupengo andi Srbija.

„Amaro cilo si te das suporto e institucionalne ramoske sar bi vov zorjadola vaš o aplikuipe e Strategiake napiengo; maj dur te das dumo e Romenge ekonomikane zorjarimaske thaj e napienge vaš o maripe e diskriminaciako thaj e stereotipengo kontra i romani populacia. Paćas kaj khetane ka resas te keras i bući thaj te mažutis e e gadalenge save si an maj phari situacia,“ džipherda pire lavenca i raj Dimić – Ugrinaj, vastarutni e projektoski e Germaniake barjarimaske kooperaciaki „ Inkluzia e Romengi thaj aver marginalizuime grupengi andi Srbija“.