21. 5. 2020.

E Projektura vaš o bućarnipe e grupengo save phares resen dži kaj i bući

Inicijativa vaš inkluzia miškosardi sas po maškaral e 2017.beršesko, kana e Germaniaki organizacia vaš maškarthemutno kooperacia GIZ thaj i Sajekutni konferencia e forunengi thaj e komunengi lije te keren i khetani bući e Ministeriumosa vaš i bući, bućarnipe, veteranunenge thaj e socijalne pučimata, maj dur e Nacionalne kerimasa vaš o bućarnipe, e Timosa vaš socijalni inkluzia thaj o ciknjaripe e čorrimasko thaj e Komesarijatetosa vaš našelde džene thaj migracieje ani RS. O projekto sas inicirimo e cilosa te unzarel o suporto e forunenge thaj e komunenge andi Srbija sar bi von barjarena inovativne thaj lungevakteske solucie vaš o bućarnipe e marginalizuime grupengo thaj e dženengo save phares resen dži kaj i bući. Ulavdo akcento sas thodino pe irisarde džene katar EU phuvja –gadale save rode o azilo, e Roma thaj aver marginalizuime amalikane grupe.

An jekhto faza Inicijativa dija supoto e inkluziake an 7 forura thaj e komune (Požarevac, Arilje, Sokobanja, Kučevo, Novi Pazar, Bečej thaj Mladenovac) te den i bući e 236 dženenge. Palal e lačhe rezultatura save sesa kerdine, i relaizacia e „Inicijativaki vaš inkluzia“ dujto faza, džal maj dur ando ramo e GIZ projektosko „Inkluzia e Romengi thaj aver marginalizuime grupengi andi Srbija.“

O Germaniako Ministeriumo vaš ekonomikani kooperacia thaj o barjaripe (BMZ) dija zor e GIZ-oske te realizuil o projekto „Inkluzia e Romengi thaj aver marginalizuime grupengi andi Srbija“. Von arakle sar partnero o Kabineto e viceprezidentkako e Republikake Srbiake Governosko savi pale geja si vi e prezidentka e Koordinacione korposko vaš monitoringo e realizaciako e Strategijake vaš inkluzia e Romengi thaj e Romnjengi andi Srbija vaš o periodo 2016-2025.beršesko. E lovenca katar e Germaniako barjarimasko kooperacia, an akaja faza e projektunengi ka oven suportuime 9 forura thaj e komune e 150.000 evrenca - Valjevo, Požarevac, Sombor, Vršac, Bač, Kraljevo, Raška, Novi Pazar thaj Apatin. Sa goda kerel pe e cilosa te kreirin pe neve šajimata vaš o bućarnipe e pomenisarde marginalizuime grupengo. E projektura sar e prepozicije, maškar aver, astaren e aktivitetura sar kaj si: stabilno agrikulturaki bući, teoretikano sićipe thaj e agrikulturaki praksa, o širdipe pire korkore biznisosko –sombućarnipe, o suporto e socijalne bućake miškosarimasko, vazdipe e džuvljenge kvalifikaciengo vaš i bući gerontohulani thaj e akcentosa po bućarnipe e džuvljengo katar romano nacionalno khetanipe, thaj po agor i reciklaža thaj o ulavipe e ekipažunengo vaš primarno selekcia e gunojesko thaj treningo e bibućarne dženengo sar vi o gatisaripe vaš biphanglikano vastaripe e bućako ando khidipe e reciklažne materijalunengo. Sa e projektura astaren i paleta e averikane treningunengi e cilosa te e Roma thaj aver marginalizuime grupe andi Srbija maj lokhes resen dži kaj i bući.