22. 7. 2021.

I KAMPANJA VAŠ I VAKCINACIA THAJ PE ČHIBA E NACIONALNE MINORITETUNENGE

O Ministeriumo vaš manuškane thaj minoritetunenge hakaja thaj amalikano dijalogo, andi kooperacia e Nacionalne minoritetunenge konsilenca prezentuisarda andi Palata „Srbija“ o širdipe e amalikane responsabilne kampanjako vaš i imunizacija kontra o KOVID 19 viruso. Andi akaja bući o suporto dija i Germaniaki organizacia vaš i maškarthemutni kooperacia GIZ. I kampanja si la džipherdutno molipe godoleske kaj e mesažura sesa bičhalde vi pe čhibja e nacionalne minoritetunenge save dživin andi Republika Srbija.

I ministarka vaš e manuškane thaj e minoritetne hakaja i Gordana Čomić akcentuisarda kaj „an akaja kampanja mangas te adresiris amen pe čhibja save si haćarikane savorenge manušenge save dživin andi Srbija thaj te vakaras kozom si importantno te protektuis amen, kaj ageja arakhas vi averen. I Epidemija naj agorisardi, o viruso naj vidžaisardo thaj jekhuno moduso te keras sa so si ando amaro šajipe – te vakcinišis amen thaj ageja te harnjaras o roko savo dija peske o viruso e pire eksponencijalne potencijalosa te inficiril.

O cilo e kampanjako si o vazdipe e gođako sar e vakcinacijasa protektuil pe o hakaj po dživdipe thaj o hakaj po sastipe e Republikake Srbijake bešutnengo – „Arakh tut, arakh averen“, e ulavde fokusea pe forutne save si o kotor e nacionalne minoritetunengo. Ideja si te o mesažo tar o vastnipe e imunizaciako buvljarel pe thaj te resel dži kav sa e forutne pe lengi dadeski thaj e dajaki čhib, bi samako si lengi čhib an oficijalno labaripe thaj bi samako kaj si len than e bešimasko.

- Sar o reprezentanto pašal jekh miliono e forutnengo katar nacionalne minoritetura, inćarav kaj i zor savi kerda o Governo e Republikake Srbiako perdal o Ministeriumo vaš e manuškane thaj e minoritetunenge hakaja thaj amalikano dijalogo, sar vi e institucie e Srbijake prezidentoske, anda dži kav e vastne rezultatura ageja kaj an akala phare kondicije e pandemijake, dikhel responsabilno te protektuil o sastipe na feri dženenge katar majoritetni srbikani populacia, či savore gadalengo satipe save oven de katar minoritetne nacionalne khetanipena e Republikake Srbiake. Dži akava cilo resel pe vi ageja kaj e dženenge katar e nacionalne minoritetura del pe lenge o šajipe e akala kampanjasa te keren i decizia, soske resel dži lende informacia pi lengi dajaki čhib. Godoleske mangav te naisarav sa e pomenisarde institucienge kaj kerde akaja zor te vazdas i gođi e dženenge katar amare khetanipena thaj te bičhalas lenge jekh klaro mesažo kaj i vakcina protektuil o dživdipe – akcentuisarda o prezidento e Nacionalne konsilunenge koordinaciako e nacionalne minoritetunengo, o Borče Veličkovski.

I Kampanja pale geja si las o cilo te an klidutno momento del kuražo thaj te ispidel e forutne te akceptirin i vakcinacia, sar vi te akcentuil kozom importantno si kolektivno imuniteto, maj but e e forutnenge save našti te vakcinišin pe godoleske kaj si fiesavo sastimasko ukheripe.

- I Kampanja vaš imunizacija kontra o viruso KOVID 19 kerdini si ando ramo e programosko e Germaniake barjarimaske kooperaciako „Inkluzia e Romengi thaj aver marginalizuime grupengi andi Srbija thaj sas fokusirimi pe sa e forutne e Srbijake, ulavde pe džene katar e nacionalne minoritetura. Ando ramo e kampanjako gatisardo si mj but tar 44.700 flajera, 1.200 postera, 21 džinglo vaš radijsko emituipe thaj 21 animirimo flmo vaš e trubuimata e 23 nacionalne khetanipengo. Sa e materijala sesa nakhade pe 19 čhibja andi kooperacia e 23 nacionalne minoritetunenca save egzistirin andi Srbija. Ulavdo cilo sas te sa e trubuikane informacie tar o vastnipe e imunizaciako resen dži e dženende katar e nacionalne minoritetura pi lengi dajaki čhib thaj te o mesažo resel dži kav sa e kotora e Srbiake – vakarda o Robert Bu, lidero e programoske timosko „Inkluzia e Romengi thaj aver marginalizuime grupengi andi Srbija“

Dži akana an i Republika Srbija vakcinišisajle maj but tar 48% e bešutnendar, so sikavel kaj vadže naj kerdine e kondicie vaš o kolektivno imuniteto, savo si les vitalno vastnipe vaš o maripe kontra i pandemija. Akanutne, i situacia andi Srbija si stabilno, ama aštisarel pe o baripe e inficirime dženengo de katar o septembro e 2021.beršesko kana ka resel nevo sojo e delta virusosko KOVID 19, a ando riziko maj but si gadala save ni lije ni jekh e unzarde vakcinendar.