21. 5. 2020.

I Nevi šansa vaš o bućarnipe e terne Romengo palal agorisardo profesionalno treningo

Ulavde sertifikatura vaš e treningura an profesionalno bućake džanlimata thaj šajipena organizuime e terne Romenge thaj e Romnjenge

Novi Sad, 17. oktobro 2019. – Palal e kursura e Edukativne centroske vaš e treningura an profesionalne thaj bućake džanglimata thaj e šajimata, pi pativali ceremonia inćardi ando Novi Sad, 63 dženenge sesa ulavde sertifikatura vaš suksesune agorisardo treningo. Von akana gatisarde aštisaren piri šansa po marketo e bućako. E terne bibućarne Roma thja e Romnja an akaja raštratar akredituime institucia sićile te keren i buća sar e frizera, pedikira, manikira, operatera e vazdimaske mašinenge, pekara thaj e vastarutne e kontopustikenge.

E treningura kerdine sas sar o kotor e projektosko „Inkluzia e Romengi thaj aver marginalizuime grupengi andi Srbija“ savo realizuil e Germaniaki organizacia vaš maškarutno koperacia (GIZ), e suportea de katar e Germaniaki barjarimaski kooperacia. O cilo e treningunenge programosko si te del dumo e inkluziake ando ekonomikano zorjaripe thaj vazdipe e šajimatengo vaš i bući, kana si lav e ulavde dukhavne grupendar. Ageja e šanse akala manušenge barjon po marketo e bućako thaj ciknjardol o lungevaktosko bibućarnipe.

O dujto prezidento e Pokrajinake governosko thaj o pokrajinako sekretaro vaš o barvalipe thaj o turizmo o Ivan Đoković, sar o organizatoro thaj o hulaj e festuibasko, bahtarda e sikljovne thaj vakharda kaj o Edukativno centro Novi Sad urmaril i Strategija thaj e Pokrajinako akciono plano e bućarnimastar, savo e pokrajinako sekretarijato vaš o barvalipe thaj o turizmo dija sar i prepozicia e Pokrajinake governoske. Akava si feri jekh e buteder napiendar. „Inćaras kaj bibućarne džene katar romano thaj aver nacionalne khetanipena, o problemo savo but čalavel e marginalizuime grupe save phares resen dži kaj i bući. akala džene butivar si čudine rigate de katar e produkciake pocesura thaj o sistemo e edukaciako. Godoleske lijam i decizia te das dumo e Edukativne centroske thaj e GIZ-oske, te prindžaras pomenisarde grupe prdal e edukaciake profilura. O sekretarijato pire konkursunenca džoperdutne boduisrada o džuvljikano biznis miškope, sar vi džene saven si len invaliditeto,e Romen thaj aver socijalno daradine kategorije e forutnenge,“ phenda o Đoković thaj džiperda e lavenca kaj si o trubuipe te iris amen palal thaj trujal amendethaj te oves jekhegođate kaj an amaro amalipe si o baro problemo, ekonomikane migracie, save jekhane čalaven sa e amalipaske stratusura.

O dr Nenad Ivanišević, o konsultanto e viceprezidentkasko e Republikake Srbijake Governosko, e Zoranako Mihajlović thaj o reprezentatoro e Koordinacione korposko, vakharda kaj o AP Vojvodinako Governo thaj o Governo e Republikake Srbijako aktivno si thaj saste ilesa angažuime te čhinaven bare problemura savenca maladol o romano khetanipe. „I Srbija si jekhuni raštra ando regiono savi po čekat e nacionalne Koordinacione korposko vaš o monitoringo thaj i realizacija e Strategijako vaš socijalno inkluzia e Romengi si la viceprezidentka e Governoski. Goda but vakharel kozom bari si politikani voia te i Strategija aktivno aplikuil pe. Si amen gote baro suporto de katar e Germaniako barjarimasko kooperacia thaj o Governo e Phandlikane Republikake Germaniako savo si jkeh tar maj bare donatora ando ramo e socijalne inkluziko andi Srbija,“ phenda vov.

I Aleksandra Dimić-Ugrinaj, liderka e projektosko „Inkluzia e romengi thaj aver marginalizuime grupengi andi Srbija“ bahtarda e dženen save suskesune agorisarde o treningo thaj akcentuisarda kaj goda si lengo jekhto paso ando profesionalno barjaripe thaj o reslipe dži kav maj lačhe kondicije e dživdimaske. „Khetane e Edukativne centrea vaš o treningo vaš profesionalne džanglimata thaj e šajimata dži akana sesa inćarde e fah treningura e 150 Romenge thaj e Romnjenge, a e napia save realizuis si len lingevaktesko karaktero kaj si len sar i baza o intereso e kandidatunengo sar vi e trubuimata e bućake marketoske.

E rezultatura e rodimaske savo sas kerdini khetane e Nacionalne kerimasa vaš o bućarnipe, sikade kaj i rata e bućarnimaski e dženengi save agorisarde sa amare fah kursura an nakhlo periodo, maj bari si e 80 procentunendar an jekhte 6 maseka palal o treningo. E rezultatura pale geja sikade kaj e kandidatunen palal o treningo sesa len 45% maj bari šansa te resen dži kaj i bući an i relacia e bibućarne dženenca save ni agorisade akala treningura,“ dija nota voj thaj džiperda e lavenca kaj an akava proceso but vastni si kooperacia e barvalimaske sektorea thaj individualne bućake unzarutnenca. „O Governo e Phanglikane Republikake Germaniako ando partneripe e Kabinetosa savo vasteral i viceprezidentka e Governoski e Republikake Srbijaki i Zorana Mihajlović,zorikanesdle suporto e Strategijake realizaciako savea angljarel pe inkluzia e Romengi thaj e Romnjengi. Goda subhaćarel o suporto sa e aktivitetunenge savendar vakharel i Strategija thaj zorjaripe e akterunengo save len kotor an laki realizacia, sar po nacionalno, ageja vi po lokalno nivelo,“ risparisarda i Dimić Ugrinaj.

E terne save nakhle o treningo sikade baro čaljardipe godoleske kaj sas lenge dini šansa te resen dži kav e džanglimata thaj e šajipena rodine po marketo e bućako, so ka putarel lenge o vudar ando aktivno rodipe e bućako thaj ando maj dur profesionalno angljaripe.

O projekto „Inkluzia e Romengi thaj aver marginalizuime grupengi andi Srbija“, džal vast talal vast e bućasa savi kerel o Kabineto e viceprezidentkako e Republikake Srbijake Governosko savo vastarel i Zorana Mihajlović thaj savi si an jekh vakto vi prezidentka e Koordinacione korposko vaš o monitoringo thaj realizacia e Strategijaki vaš socijalno inkluzia e Romengi thaj e Romnjengi andi Republika Srbija vaš o periodo 2016-2025. E aktivitetura phandle e akava projektosa programirime si te angljaren o ramo, strukture thaj e mehanizmura vaš e Strategijaki realizacia po nacionalno thaj lokalno nivelo, e cilosa te del pe kuražo savorenge ando amalipe te pharuven e haćarimaski pozicia prekal e marginalizuime grupe andi Srbija.