21. 12. 2021.

Inćardi ceremonija pe savi putardilo o salono e šukarimaske savo vastaren amare labarutne

I Kancelarija vaš inkluzia e Romengi e Autonomne pokrainaki Vojvodina thaj o Amlipe e romane studentunengo organizuisarde Pativalikani ceremonija savi semnarda o putaripe e salonosko vaš o šukaripe „Wonderland“ savo vastaren trin Romnja, labarutne e varverikane programunengo savenca del pe o suporto vaš o bućarnipe e Romengo thaj e Romnjengo andi Republika Srbija. O evenimento sas inćardo an lengo nevoputardo salono an ulica Cara Dušana 19, po 17,decembro 2021.beršesko.

I Kristina Plavci, Nuhrana Toplica thaj i Alisa Đurić labarde o projekto „De drom e motoro - barjaripe e Romenge bućarnimasko andi Srbija“, savo realizuil o Amalipe e romane studentunengo e suportea de katar o programo e Germaniake barjarimaske kooperaciako „Inkluzia e Romengi thaj aver marginalizuime grupengi andi Srbija“.

I Kristina Nurhana thaj i Alisa pire khetane zorenca putarde o salono, sićile o treningo vaš o šukaripe ando Edukativno centro vaš e profesionalne thaj e bućake šajimata ando Nevo Sado, sar vi e bućaki praksa ande frizerske salonura palal o agorisardo fah sićipe. E mažutimasa savo unzarda o Amalipe e romane studentunengo, len trin aplicirisarde vaš e grantura e cilosa te miškosaren o bizniso kav i germaniaki organizacia Help, savi kerel o projekto „Vastaripe e migracijenca thaj o suporto e dženenge save rode o azilo III“ ando ramo e Programosko „Migracie vaš o barjaripe“ savo ulavda lenge e grantura vaš e labna thaj o ekipažo.

Te bi putarena o salono vaš o šukaripe, von trin pale geja sesa mažutisarde de katar i organizacia ADRA vaš o pokhinipe e repromaterijalosko thaj e fiskalne kasako, a o Amalipe e romane studentunengo katar piro budžeto ulavda e love vaš o pokhinipe e kirijako vaš o viramo e salonosko thaj vaš o marketingo e bućikerimaske.

O salono e šukarimaske si jekh brilijantno misali sar lačhi kooperacia thaj koordinacia maškar e servisura save ačhen pi dispozicia vaš o ispidipe e bućitragavimasko, sosa del pe kontinuirimo suporto e kandidatunenge, šaj te realizuin pe susksesune bućitragavimaske zumavipena save keren maj dukhavde džene ando romano khetanipe.