I Inicijativa vaš o barjaripe e romane bućitragavimasko - REDI, inćarda o treningo vaš e romane bućitragavne ando ramo e projektosko „Roma Digital Boost” de katar 11.dži 13. marto 2022.beršeste ando Nišo, an Hotelo „Marica Grand“.

Po putaripe e treningosko ovile i Ivana Simonović thaj o Miodrag Shrestha anglal o programo Inkluzia e Romengi thaj aver marginalizuime grupengi andi Srbija thaj o Dragan Ognjanović sar organizatoro e bućarnimaske programosko ando Nacionalno serviso e bućarnimasko ando Nišo, savo sas jekh tar e sikljarne po treningo.

O treningo kerel pe ando ramo e projektosko „Roma Digital Boost” savesko cilo si te barjarel e bućitragavimaske kapacitetura e romane bućitragavnenge thaj te kreiril o šajipe vaš o bućarnipe e 20 Romengo. Akava programo barjardo sas andi Utar Makedonija thaj dija lačhe rezultata kana si lav tar o angljaripe e bućako e romane biznimenunengo a akana anas akala lačhe praksake misala vi andi Srbija. E teme save ka oven astarde e treningosa si: e džanglimata thaj e šajimata phandlo e bućikerimaske barjarimasa, e marketingosa, e paramičenca, maj dur ka sikavel pe kotar o e-trejdo, digitalne alatura thaj o khidipe e finansijengo.