Ando ramo e programosko e Germaniake kooperaciako “Inkluzia e Romengi thaj e aver marginalizuime grupengi andi Srbija”, savo realizuil Deutsche Gesellschaft für Internationale Zusammenarbeit (GIZ) GmbH ketane e Ministeriumosa vaš e manuškane thaj minoritetne hakaja thaj amalikano dijalogo sar politikano partnero thaj e Ministeriumosa vaš i bući, bućarnipe, veteranunenge thaj socijalne pučhimata sar e klidutne partnerea, sar vi e suportea de katar GFA konsultuimasko kher, i Asocijacija e koordinatorengo vaš e romane pučhimata miškosarda o projekto “Keripe e socijalne fabrikako/kooperativako”

E godoleske ko 29.04.2022.berš andi sala e Komunaki Osečina, inćardi sas funduimaski skupština e agrikulturake kooperativako savi keren e džene save barjon e kolorikane fruktura ando gav Jalovik. O cilo e kerimasko e akaja kooperativako sikavel barjaripe e romenge kapacitetosko, sar vi lačharipe lenge poziciako po marketo e bućako. Ideja si te len pe andi kooperativa vi aver manuša andi Osečina, a či feri e Roma thaj ageja te aplikuil pe o principo e saastarimaske inkluziako.

Sas amen o baro pativ te po funduimasko bešipe e skupštinako las amende andi vizita sar o dosto e sekretare katar o Ministeriumo e agrikulturako, pajeske barvalimasko thaj e vošengo e Darkes Božić, e prezidente e koopertivake phandlimasko e Srbijako e Nikole Mihajlović, e reprezentates katar o konsultantsko kher GFA, e Miodrage Shrestha thaj e prezidente katar Kooperativake phandlimasko e Mesmer Srbijako, e Dejane Mitić. Ko akava dive ando bešimasko than Konjic, e dženenca save barjaren maline, e dostura vakarde thaj vizitisarde lenge agrikulturake proprietaripena.

Piro vudar ando anav e Komunako Osečina putarda lako prezidento o Nikola Tomić savo dija pherdo suporto vaš akaja inicijativa. O akcento sas thodino pi kooperacia thaj khetanikani bući e koordinatorea vaš e romane phučimata e Sinišasa Muratović thaj sas phendo kaj e khetanikane zorenca kerel pe i bući te i pozicia e Romengi ovel maj feder an akaja komuna. Andi akaja okazia e kooperantura sas len o šajipe te vakaren tar e problemura savenca maladon pes, a nesave lendar si goda kaj naj infrastruktura vaš i pajeski distribucia, bilačhi dromeski infrastruktura sar vi o problemo e elektrikake energijasa.

I Asocijacija e koordinatorengi vaš e romane pučhimata