Lokalno nivelo

Sar bi ovela majsuksune realizuimi i Strategia vaš socialno inkluizia e Romengi thaj e Romnjengi, o projekto si orijentišimo prekal o lačharipe e kondiciengo vaš o reslipe e cilunengo katar i Strategija an alosarde forura thaj e komune. E napia vaš o zorjaripe e strukturako thaj e mehanizmosko vaš e Strategiaki implementacia po lokalno nivelo, sar vi o individualno thaj organizaciako barjaripe e kapacitetosko kana si lav e relevantne akterunendar thaj lenge phandlimastar andi drakhin, kanden sar o mažutipe te oven kerde akala aktivitetura:

  • I kooperacia e alosarde forunenca thaj e komunenca;
  • O zorjaripe e strukturako thaj e kapacitetosko e alosarde forunengo thaj e komunengo an i sfera e socijalne inkluziaki e Romengi thaj aver marginalizuime grupengi, sar vi an i sfera e reintegraciaki, phandlo e irisarde dženenca(readmisantura);
  • Zorjaripe e kooperaciako maškar publikano, privatno thaj civilno sektoro thaj o fokuso po korokorobićarnipe e Romengo, irisarde dženengo thaj aver marginalizuime grupengo;
  • Zorjaripe e organizaciengo katar o civilno amalipe vaš direktno bući e khetanimasa, kana si lav e averikene napiendar save mažutin socialno inkluzia e Romengi thaj aver marginalizuime grupengi, sar vi e irisarde dženengi;
  • Finansikano suporto e lokalnone somdirekcienge thaj i realizacia e projektunenge vaš o bućarnipe e dženengo save maj phare resen dži kaj i bući (inicijativa vaš inkluzia - faza II);
  • Aplikacia e napienge savenca ispidel pe o bućarnipe e romengo, e irisarde dženengo thaj aver marginalizuime grupengo (e napia save mažutin karierno vastaripe thaj o konsaltingo, fah treningo vaš o marketo e bućako thaj vaš e prindžarde unzarutne e bućake, sar vi e napia sar o suporto vaš o miškope e mikrobiznisosko)

Robert Bu

ex projektno koordinatoro

Email: robert.bu@giz.de