Adive semnarel pe o Maškarthemutno dive e Romengo , o dive e romane kulturake festuimasko thaj themeskere gođake vazdimasko kotar e problemura save adive phararen e Romen. Ando ramo e programosko „Inkluzija e Romengi thaj aver marginalizuime grupengi andi Srbija“ de katar 2018.berš, del pe o suporto e Republiakke Srbijake Governoske te stabilišil thaj te realizuil e mehanizmura vaš i Socijalno inkluzija e Romengi thaj e Romnjengi.

Perdal e veverikane napia e suportuimaske sesa line pi bući maj but tar 820 džene, thaj maj but tar 3.000 manuša sesa astarde e veverikane napianca vaš o bućarnipe, unzarde sesa maj but tar 1.800 psiho-socijalne thaj juristikane servisura, maj but tar 1.400 džene kerde verver programura e treningoske, maj but tar 1.150 bućarne ando sastarimasko thaj socijalno sistemo thaj e sikljarne lije kotor ande antidiskriminacione treningura, kerdini sas i kampanja „Prindžar, na krisosar!“, khetane e Ministeriumosa vaš i bući, bućarnipe, veteranunenge thaj e socijalne pučimata thaj e OCD-osa „Ternipe“. Maj dur, o suporto sas dino e trin rodimatenge vaš o trubuipe e Pativale džanako vaš i protekcia e jekhajekhimaski, maj but tar 34.500 higijenake thaj habeske paketura ulavde sesa e 14.000 familijenge an 40 forura thaj komune, sar o respunso pi pandemija COVID -19, o suporto pale geja sas dino te formiril pe o Koordinaciono korpo vaš o angljaripe e poziciakoro thaj socijalno inkluzija e Romengi thaj e Romnjengi andi Republika Srbija. sar vi Ekspertikani grupa, ispidel pe vi o proceso e kerimasko e Akcione planosko vaš i realizacia e Strategijako vaš i socijalni inkluzia e Romengi andi R.Srbija.

An nakle berša kerdine sesa vastne rezultatura ando lačharipe e Romenge thaj e Romnjenge poziciako andi Srbija, ama von vadže maladon pes e bare problemunenca po drom prekal sasti socio-ekonomikani inkluzia. Andi kooperacija e partnerenca katar publikano, civilno thaj privatno sektoro, e Germaniaki barjarimaski kooperacia, perdal o Programo Inkluzia e Romengi thaj aver marginalizuime grupengi andi Srbija, ka unzarel an avutno periodo o suporto vaš i pherdi inkluzia thaj jekhajekhikane šanse sa e Romenge, ama vi aver marginalizuime grupenge, thaj ka kerel i bući upral o inkluzivno avutnipe e pire partnerenca.

Baxtalo tumenge 8to Aprili!