E Nevimata thaj e evenimentura

30. 9. 2021.

ANGLJARDO BUĆARNIPE E DŽENENGO KATAR E GRUPE SAVE PHARES RESEN DŽI KAJ I BUĆI AN 9 FORURA THAJ KOMUNE ANDI SRBIJA

„ An palune duj berša kozom đeletar e aktivitetura e Inicijativake vaš inkluzia Faza 2, an 9 forura thaj e komune andi Srbija reslo pe dži kav 300 džene save arakhle peske i bući thaj sas unzardo maj but tar 1100 servisura andi sfera e lungevakteske napiengo e inkluziako. Akala napia bazirinpe pe nacionalne thaj lokalne strategikane dokumentura vaš maj but tar 700 labarutne savendar 50% si e džuvlja,“ vakarda i Aleksandra Dimić Ugrinaj pi nadumutni onlajn konferencija kana agorisardili akaja faza e Programoski e Romenge Inkluziaki thaj aver marginalizuime grupengi andi Srbija. I Dimić Ugrinaj savi si i vastarutni e programoski savo realizuil o GIZ ando ramo e Germaniake barjarimaske kooperaciako, džiperda e lavenca kaj sa akala kerdine eksperience šaj te aplikuin pe vi an aver thana.

pročitajte više

15. 9. 2021.

I srbikani- germaniaki platforma vaš o pharuvipe e eksperiencako tar i inkluzia e marginalizuime bešutnengo po marketo e bućako

Ando ramo e barjarimaske kooperaciako „Inkluzia e Romengi thaj aver marginalizuime grupengi andi Srbija“ savi realizuil o GIZ, organizuimi sas virtuelno studiaki vizita e cilosa te kerel pe i platforma vaš o pharuvipe thaj khetanikano sićipe maškar srbikane aktera thaj e kolege katar i Germania save keren i bući phandlo e marginalizuime manušenge inkluziasa po marketo e bućako. Virtuelno pharuvipe sas kerdino 6 dive ando onlajn formato thaj astarda maj but tar 100 reprezentatora katar raštrake institucie thaj o civilno sektoro.

pročitajte više

9. 9. 2021.

Maj lokhes dži kav o bućarnipe ando Beogrado e mažutimasa savo unzarel o GIZ thaj i Fondacia Divac

Beograd, 08.09.2021 – E partnera po projekto „Ispidipe e bućarnimasko e Romengo thaj aver marginalizuime grupengo ando Beogrado“, sikade e rezultatura napal so realizuisarde e napia savenca zumavde te angljaren o bućarnipe e Romengo thaj aver marginalizuime grupengo thaj e gadala manušengo save phares resen dži kaj i bući ando Beogrado. O projekto si kotor e programosko e Germaniake barjarimaske kooperaciako „Inkluzia e Romengi thaj aver marginalizuime grupengi andi Srbija“ savo realizuil organizacia vaš i maškarthemutni kooperacia GIZ, khetanes e Ministeriumosa vaš e manuškane thaj minoritetne hakaja, maj dur e Fondacijasa „Ana thaj Vlade Divac“

pročitajte više

22. 7. 2021.

I KAMPANJA VAŠ I VAKCINACIA THAJ PE ČHIBA E NACIONALNE MINORITETUNENGE

O Ministeriumo vaš manuškane thaj minoritetunenge hakaja thaj amalikano dijalogo, andi kooperacia e Nacionalne minoritetunenge konsilenca prezentuisarda andi Palata „Srbija“ o širdipe e amalikane responsabilne kampanjako vaš i imunizacija kontra o KOVID 19 viruso. Andi akaja bući o suporto dija i Germaniaki organizacia vaš i maškarthemutni kooperacia GIZ. I kampanja si la džipherdutno molipe godoleske kaj e mesažura sesa bičhalde vi pe čhibja e nacionalne minoritetunenge save dživin andi Republika Srbija.

pročitajte više

16. 7. 2021.

Prezentuimo projekto „Ciknjaripe e džipherdutne dukhavimasko e Romengo thaj aver marginalizuime grupengo, sar i konsekvenca e pandemijake COVID -19 an 18 lokalne somdirekcie“

Beogrado, 14.julo 2021. – Ando kher e Governesko e Republikake Srbiako inćardilo o evenimento e ukherimasa kaj lija te džel o projekto „Ciknjaripe e džipherdutne dukhavimasko e Romengo thaj aver marginalizuime grupengo, sar i konsekvenca e pandemijake COVID -19 an 18 lokalne somdirekcie“. O cilo e akava projektosko si te čhinavel e problemula save iklistile palal i pandemia COVID -19 andi sfera e edukuimaski, maj dur te lačharel o pašipe e pajeste, informišimaste thaj e promociake phandlo e imunizaciasa kontra o COVID-19, sar vi o tehnikano suporto e responsabilne lokalne institucienge, so trubul te lokherel o vurmaripe e pandemiako.

pročitajte više

25. 6. 2021.

O konkurso va o bućarnipe pi pozicia konsultanto vaš o labarimasko suporto

Si ćiro džanglipe e čhibjako po gasavo nivelo te šaj te keres o dijalogo, lekhaves/hramosares jekh harno e mejlo thaj te haćares sa e detalja katar i konverzacija e vakarimaske nekasa savengo dajako čhib si goda? Labares sakodivesutne o kompjutero, smart telefono thaj/vaj o tableto? San komunkiativno thaj rodes maj but te džanes, khames te keres i bući ando timo thaj te mažutis e aver manušenge?

pročitajte više

15. 4. 2021.

O Publikano akharipe vaš e prepozicie projektoske: Miliono evra vaš o bućarnipe e bešutnenge grupengo save phares resen dži kaj i bući

I Sjekutni konferencia e forurengi thaj e komunengi (SKGO) thaj e Germaniaki organizacia vaš i maškarthemuti kooperacia (GIZ), ando ramo e projektosko „Inicijativa vaš i inkluzia 3“, lekhavde o konkurso vaš o alosaripe e 10 lokalnone somdirekciengo savjenge ka del pe o suporto te anen inovativne thaj lungevakteske solucie andi sfera e bućarnimaski kana si ando pučipe e grupe e bešutnenge save phares resen dži kaj i bući. Sasto molipe e lovengo savo ačhel pi dispozicia ando ramo e Akhardimasko vaš o khidipe e projektoske konceptunengo si 1.000.000 evra, a o maksimalno molipe e grantunengo e jekhune projektoske si 100.000 evra.

pročitajte više

6. 4. 2021.

I NEVI ŠANSA VAŠ O BUĆARNIPE E 500 ROMENGO THAJ E ROMNJENGO

Pašal 560 džene katar o Beogrado, Valjevo thaj o Leskovco save maj phare resen dži kaj i bući, maškar lende vi 405 džuvlja, an palune 6 maseka sesa ando programo e projektosko „Ekonomikano zorjaripe e Romnjengo: angljaripe e kapacitetunengo vaš o bućarnipe thaj sombućarnipe“, thaj ageja sas lenge dino ekspertikano thaj mentorsko suporto e cilosa te resen dži kav o nevo džanglipe thaj e neve šajipena save si trubuikane po marketo e bućako. E rezultatura e projektoske aktivitetunengo si an jekh vakto vi e rekomandacie vaš e lingikane senzitivne napia kana si lav tar o bućarnipe thaj o lingengo jekhajekhipe. Akala napia trubula bi te anen dži kav o buteberšengo kontributo e ekonomikane zorjarimaske e Romenge thaj aver dženenge save phare arakhen i bući, po lokalno thaj nacionalno nivelo. Akava sas šunavdo adive pi agorutni konferencia inćardi an Media centro ando Beogrado.

pročitajte više

15. 3. 2021.

I Distribucia e paketunengo e habea thaj e higijenake vastušenca andi cara Zaga Malivuk

Beogrado, 12. marto – Andi organizacia e Lole trušulosko e Srbiako thaj sar o kotor e projektosko e Germaniake barjarimaske kooperaciako „Inkluzia e Romengi thaj aver marginalizuime grupengi andi Srbija“ savo realizuil e Germaniaki organizacia vaš i maškarthemutni kooperacia GIZ, an talalstandardno cara Zaga Malivuk sesa ulavde 127 paketura e habea thaj 127 paketura e higijenake dezinfekcione produktunenca e 79 familijenge.

pročitajte više

12. 3. 2021.

E Germaniaki barjarimaski kooperacia thaj o Ministeriumo vaš manuškane thaj minoritetne hakaja thaj o amalikano dijalogo khetanes dži kaj inkluzia e Romengi

Beogrado 10 marto - O Ministeriumo vaš manuškane thaj minoritetne hakaja thaj amalikano dijalogo thaj e Germaniaki barjarimaski kooperacia savi realizuil o GIZ, semnosarde o haćaripe tar i tehnikani kooperacia an savjako ramo ka intenziviril pe i bući upral i inkluzia e Romengi.

pročitajte više