E Nevimata thaj e evenimentura

15. 9. 2021.

I srbikani- germaniaki platforma vaš o pharuvipe e eksperiencako tar i inkluzia e marginalizuime bešutnengo po marketo e bućako

Ando ramo e barjarimaske kooperaciako „Inkluzia e Romengi thaj aver marginalizuime grupengi andi Srbija“ savi realizuil o GIZ, organizuimi sas virtuelno studiaki vizita e cilosa te kerel pe i platforma vaš o pharuvipe thaj khetanikano sićipe maškar srbikane aktera thaj e kolege katar i Germania save keren i bući phandlo e marginalizuime manušenge inkluziasa po marketo e bućako. Virtuelno pharuvipe sas kerdino 6 dive ando onlajn formato thaj astarda maj but tar 100 reprezentatora katar raštrake institucie thaj o civilno sektoro.

pročitajte više

9. 9. 2021.

Maj lokhes dži kav o bućarnipe ando Beogrado e mažutimasa savo unzarel o GIZ thaj i Fondacia Divac

Beograd, 08.09.2021 – E partnera po projekto „Ispidipe e bućarnimasko e Romengo thaj aver marginalizuime grupengo ando Beogrado“, sikade e rezultatura napal so realizuisarde e napia savenca zumavde te angljaren o bućarnipe e Romengo thaj aver marginalizuime grupengo thaj e gadala manušengo save phares resen dži kaj i bući ando Beogrado. O projekto si kotor e programosko e Germaniake barjarimaske kooperaciako „Inkluzia e Romengi thaj aver marginalizuime grupengi andi Srbija“ savo realizuil organizacia vaš i maškarthemutni kooperacia GIZ, khetanes e Ministeriumosa vaš e manuškane thaj minoritetne hakaja, maj dur e Fondacijasa „Ana thaj Vlade Divac“

pročitajte više

22. 7. 2021.

I KAMPANJA VAŠ I VAKCINACIA THAJ PE ČHIBA E NACIONALNE MINORITETUNENGE

O Ministeriumo vaš manuškane thaj minoritetunenge hakaja thaj amalikano dijalogo, andi kooperacia e Nacionalne minoritetunenge konsilenca prezentuisarda andi Palata „Srbija“ o širdipe e amalikane responsabilne kampanjako vaš i imunizacija kontra o KOVID 19 viruso. Andi akaja bući o suporto dija i Germaniaki organizacia vaš i maškarthemutni kooperacia GIZ. I kampanja si la džipherdutno molipe godoleske kaj e mesažura sesa bičhalde vi pe čhibja e nacionalne minoritetunenge save dživin andi Republika Srbija.

pročitajte više

16. 7. 2021.

Prezentuimo projekto „Ciknjaripe e džipherdutne dukhavimasko e Romengo thaj aver marginalizuime grupengo, sar i konsekvenca e pandemijake COVID -19 an 18 lokalne somdirekcie“

Beogrado, 14.julo 2021. – Ando kher e Governesko e Republikake Srbiako inćardilo o evenimento e ukherimasa kaj lija te džel o projekto „Ciknjaripe e džipherdutne dukhavimasko e Romengo thaj aver marginalizuime grupengo, sar i konsekvenca e pandemijake COVID -19 an 18 lokalne somdirekcie“. O cilo e akava projektosko si te čhinavel e problemula save iklistile palal i pandemia COVID -19 andi sfera e edukuimaski, maj dur te lačharel o pašipe e pajeste, informišimaste thaj e promociake phandlo e imunizaciasa kontra o COVID-19, sar vi o tehnikano suporto e responsabilne lokalne institucienge, so trubul te lokherel o vurmaripe e pandemiako.

pročitajte više

25. 6. 2021.

O konkurso va o bućarnipe pi pozicia konsultanto vaš o labarimasko suporto

Si ćiro džanglipe e čhibjako po gasavo nivelo te šaj te keres o dijalogo, lekhaves/hramosares jekh harno e mejlo thaj te haćares sa e detalja katar i konverzacija e vakarimaske nekasa savengo dajako čhib si goda? Labares sakodivesutne o kompjutero, smart telefono thaj/vaj o tableto? San komunkiativno thaj rodes maj but te džanes, khames te keres i bući ando timo thaj te mažutis e aver manušenge?

pročitajte više

10. 6. 2021.

Te del pe o šajipe e vakcinaciake an romane care

Beogrado, 10.juno 2021 - E Roma ovena vakcinišime an maj baro đindo te si lenge dino šajipe vaš i imunizacija pe thana save si lenge pašal, po misali ande care kaj train, si konkluzia e divesutne sastimaske butelinako savi sas inđardini andi komuna Zvezdara.

pročitajte više

28. 5. 2021.

PROJEKTNO FINANSIRIPE THAJ O DŽANGLIPE ANDAR O VASTARIPE E PROJEKTUNENCA

Beograd 27.majo 2021.beršesko - Ando ramo e projektosko Inkluzia e Romengi thaj aver marginalizuime grupengi andi Srbija, savi realizuil o GIZ sar o kotor e Germaniake barjarimaske kooperaciako, araći inćardili agorutni butilin „Vastaripe e projektne ciklusea“. An paluni butilin savi sas inćardi an duj segmentura an masek majo, ando Beogrado, an hotelo Zira, lije kotor e reprezentatora katar ogranizacie e civilnone amalipaske, komune thaj e forura sar vi e lokalne institucie save ando fokuso e pire aktivitetunengo si len inkluzia e Romengi, e irisarde dženengi thaj aver marginalizuime grupengi. O cilo e butilinesko si o fah treningo e kadrunengo ando ramo e gatisarimasko, aplicirimasko vaš e trubuikane love thaj i realizacia e projektoski.

pročitajte više

25. 5. 2021.

O ŠIRDIPE E DUJTE CIKLUSOSKO E PROJEKTOSKO „E BUĆAKI INKLUZIA“- LE KOTOR!

Napal o suksesuno jekhto, motivišime las te keras o dujto cikluso e projektosko „E bućaki inkluzia“ e cilosa te zorjaras e grupe save maj phares resen dži kaj i bući pi teritorija e Republikake Srbiaki. Dži akana suskesune suportuisardam e dženen saven si len o invaliditeto, e ternen bi dajako/dadesko dikhipe thaj e dženen save si maj phurane 50 beršendar, a ando avutno cikluso, pašal sa e pomenisarde grupe, ka astaras vi o nevo modulo – E zorale džuvlja.

pročitajte više

19. 5. 2021.

MAJ LOKHO BUĆARNIPE E MANUŠENGO KATAR E DUKHAVDE GRUPE

MAJ LOKHO BUĆARNIPE E MANUŠENGO KATAR E DUKHAVDE GRUPE Ando Governo e Autnomno pokrajinako e Vojvodinako e pativale ceremonijasa semnosardo sas o lil tar e intencie thaj o Memorandumo tar i kooperacia maškar o Programo e Germaniake barjarimaske kooperaciako “Inkluzia e Romengi thaj aver marginalizuime grupengi andi Srbija”, savo realizuil o GIZ thaj o Sekretarijato vaš o barvalipe thaj o turizmo pi jekh rig, thaj i Kancelarija vaš Inkluzia e Romengi e APV Governoski pi aver rig. Liduj dokumentura si le o cilo te lokheren realizacia e napiengo vaš o bućarnipe e Romengo thaj e Romnjengo, e irisarde dženengo thaj aver dukhavde grupengo pi teritorija e AP Vojvodinaki, sar vi te angljaren e lokalne institucionalne ramura, mehanizmura thaj e servisura andi sfera e socijalne inkluziako e dukhavde grupengo.

pročitajte više

15. 4. 2021.

O Publikano akharipe vaš e prepozicie projektoske: Miliono evra vaš o bućarnipe e bešutnenge grupengo save phares resen dži kaj i bući

I Sjekutni konferencia e forurengi thaj e komunengi (SKGO) thaj e Germaniaki organizacia vaš i maškarthemuti kooperacia (GIZ), ando ramo e projektosko „Inicijativa vaš i inkluzia 3“, lekhavde o konkurso vaš o alosaripe e 10 lokalnone somdirekciengo savjenge ka del pe o suporto te anen inovativne thaj lungevakteske solucie andi sfera e bućarnimaski kana si ando pučipe e grupe e bešutnenge save phares resen dži kaj i bući. Sasto molipe e lovengo savo ačhel pi dispozicia ando ramo e Akhardimasko vaš o khidipe e projektoske konceptunengo si 1.000.000 evra, a o maksimalno molipe e grantunengo e jekhune projektoske si 100.000 evra.

pročitajte više