Ando ramo e projektosko „Suporto e Romenge thaj e irisarde dženenge bućarnimaske - E2R2“ savo si o kotOr maj buvle programosko e Germaniake barjarimaske kooperaciako „Inkluzia e Romengi thaj aver marginalizuime grupengi andi Srbija“, savo realizuil o Deutsche Gesellschaft für Internationale Zusammenarbeit (GIZ) GmbH khetane e Ministeriumosa vaš e manuškane thaj minoritetne hakaja thaj o amalikano dijalogo, e Inicijativasa vaš o barjaripe thaj i kooperacija - IDC thaj e Centrosa vaš o produktuipe e džanglimasko thaj e šajimasko - CPZV, lekhavel

E labarutne ka si len suporto ande:

1. Biznis treningura - sićipe vaš o tragavipe e pire korkore biznisosko/bućako vaj barjaripe e volumosko e pire korkore bućako/agrikulturake produktuimasko thaj e pire individualne bućake planunenge barjarimasko.
2. Subvencije vaš o sombućarnipe perdal o mašinunengo, ekipažosko thaj repromaterijalunengo pokinipe thaj vaš o širdipe e pire korkore bućako ando lačharipe e individualne biznis planea.
3. Mentorsko suporto e biznisoske thaj bućako svatuipe tar i implementacia e individualne biznis planunengo.

O hakaj po suporto si len e irisarde džene, Roma, Romnja thaj e džene katar e grupe save maj phares resen dži kaj i bući, sar vi lenge pašutne katar i familija, maj dur, musaj te si len o than e bešimasko pi teritorija e kumunengi save labaren e IDC programura: Foro Beograd, Foro Vranje, Foro Leskovac, Foro Subotica, Komuna Šid, Komuna Preševo, Komuna Bujanovac, Komuna Osečina; CPZV: Foro Novi Sad, Foro Šabac, Komuna Titel, Komuna Beočin, Komuna Žabalj, Komuna Kula, Komuna Stara Pazova, Komuna Bačka Palanka.

E irisarde džene sar dikhel len akava publikano akharipe, si e džene save sanas avrial e phuvjate (andi Germania vaj aver phuv) maj lungo e trin masekendar an kontinuiteto (o ukheripe e bešimasko ando strainipe šaj te ovel o rodipe e azilosko, i bući, o studiripe, o fah sićipe, vaj vareso aver) thaj save irisajle an piri dadeski/bijandimaski phuv. O lav „aver phuv“ semnarel e evropake sar vi e bievropake/avrialevropake raštre. Te o irisardo dženo bešlotar andi Germania thaj vi andi aver phuv, dikhlino si sar o „irisardutno katar i Germania“, uzal te o bešipe an gadaja aver phuv naj maj lungo no so bešlotar andi Germania (po misali, si 10 berš sar bešlotar andi Germania, a 6 maseka sar irisajlo katar Italija).

E džene katar o romano nacionalno minoriteto ando ramo e akava akharimasko si gadala save korkore pestar phenen kaj si e Roma thaj ageja keren o kotor ando romano nacionalno khetanipe

E džene katar aver phare bućardine grupe save ando akava akharipe si dikhline sar maj terne e 30 beršendar, e bućarutne mukhline e bućatar sar overđindoskere/overpherdutne, maj phurane e 50 beršendar, e džene bi kvalifikaciako thaj e cikne kvalifikacijasa, e džene saven si o invaliditeto, e džene save šaj te keren i bući thaj save len socijalno lovengo mažutipe, lungevakteske bibućarne džene (pi evidencija maj but e 12 masekendar, ulavde e bibućarne džene save roden i bući maj but tar 18 maseka), e terne save bešen ando kher e protektuimasko/domo, e terne ande parvarimaske familije thaj e terne ande familije save dikhen len.

O teksto e publikane akharimasko sa e džipherdutne informacijenca phandlo e akharimasa, sar vi e džipherdutni trubuikni dokumentacia, šaj te arakhen thaj te crden tele po linko:

https://idcserbia.org/javni-poziv-za-izbor-korisnika-za-proces-biznis-obuka-subvencija-za-samozaposljavanje-i-mentorstva-u-okviru-projekta-podrska-zaposljavanju-roma-i-povratnika-e2r2/

O LEKHAVIMASKO LIL E DŽIPHERDUTNE DOKUMENTACIJASA UNZAREL PE PERSONALNO ANDO VAREM E IDC-osko, CPZV-osko VAJ ŠAJ TE OVEL BIČHALDO PI ADRESA MILANA RAKIĆA 65a, BEOGRAD, MAJ PALAL DŽI 15.04.2022, AN 15:00H.