Psiho-socialno , juristikano mažutipe, socialno mediacia thaj o mažutipe an i edukacia

Ando Beogrado si dino o suporto vaš o funduipe e duje Amalikane centroske (Community centrura) save unzaren e servisura sar kaj si psiho-socialno , juristikano mažutipe, socialno mediacia. O svatuipe/mažutipe phandlo si e gadalesa so e participantura sikade kana si lav tar e manuškane hakaja andi sfera e bućarnimaski, e bešimaski, sastimaske thaj socijalno protekciaki, edukuimaski thaj e diskriminaciaki. E Amalikane centrura funduime si e idejasa kaj e dženenge katar o romano khetanipe trbul džiperdutno suporto te bi von pherena pire manuškane hakaja, e samasa kaj si ekstremno vulnerabilno/dukhavni kategoria.

O seriviso e svatuimasko/mažutimasko kreirisardi si e dženenge katar o romano khetanipe thaj aver grupenge ando Beogrado, maj anglal an duj talalstandardne care – Orlovsko (Zvezdara) thaj Okretnica 75 (Novi Beograd). E principura e bućake e akava servisoko si: individualikano pašipe ando arakhipe e soluciako e problemunengo; proaktivno principo ando rodipe e soluciako khetane e kandidatunenca; timsko thaj holistikano pašipe andi bući e kandidatunenca; lačhi kooperacia e instutucienca; komplementarno principo kana si lav kotar e aver inicijative.

E servisura e psiho-socialne thaj juristikane mažutimaske realizuil i organizacia katar o civilno amalipe Forum Roma Srbije, prdal i bući po tereno, ande kancelarije e amalikane centrunenge thaj ando ramo e aver aktivitetunengo save keren pe pe verver lokacie.

Maj buteder informacie kotar e terminura, planirime aktivitetura thaj ageja maj dur, o kontakt dženo si o Predrag Momčilović, predrag@frs.org thaj 060 022 82 51.

O mažutipe andi edukacia e bareberšenge dženengi

O projekto, uzal o mažutipe e bigovermentalne organizaciako „Pomoć deci“, kerel inkluzia e Romengi thaj e Romnjengi an edukacia e bareberšenge dženengi (fundutno thaj maškarutno edukacia).

Maj dur, e dženenge save sesa irisarde (readmisantura) katar e EU phuvja, pi baza e akava projektoski, i BGO „Pomoć deci“ unzarel o serviso e nostrifikaciako e diplomengo save sesa ulavde e dženenge avrial e Republikake Srbijake teritorijate.

E Komune: Vranje, Surdulica thaj Subotica

E maj buteder informacijatar kontaktirin pi e mail adresa: ivana.simonovic@giz.de thaj po telefono: +381 11 260 7132 lokalo 4071.