Realizuisarde si e butilina e dadenge thaj e dajenge katar o romano nacionaliteto, savenge čhaje džan an fundutni thaj maškarutni škola pi teritorija e Foroske komunaki Zvezdara

O centro vaš i reintegracia thaj o aktivizmo Beograd (CRA) ando ramo e projektosko „Te barijas khetane“ inćardasas ando čhon majo thaj juno 12 butilina vaš e dada thaj e daja. E džene save lije kotor si katar o romano nacionaliteto thaj lenge čhavre džan an fundutni thaj an maškarutni škola pi teritorija e Foroske komunaki Zvezdara. Pale geja ando ramo e jekh projektosko sesa kerdine e fokus grupe pi tema „E romane dadenge/dajenge kompetencie thaj o kreiripe e optimalne modelosko e mažutimasko thaj e suportosko“.

Perdal o cikluso de katar trin butilina, nakhle sa an sa biš thaj duj amare khetaneforutne. Ando varem e Thaneske khetanimasko Mali mokri lug, e butilina sesa vastarde de katar e socijalne bućarutne saven si i barvali eksperienca. O butelinako programo sas realizuimo perdal o interaktivno bući an cikne grupe. An sa e segmentura e aktivitetunengo respektuisardo sas o kulturikano identiteto e dženengo save participirisarde, maj dur o principo e ververimaske akceptirimasko thaj o vidžaipe upral e prejudicije thaj e stereotipura.

O reso e butilinengo sas o nevo džanglipe thaj e šajipe vaš o reponsabilno dikhipe e čhavrengo de katar e dada/daja, pharuvipe e informacijengo, džanglimasko thaj e suportosko. Sa e segmentura ande dži kav goda te angljaren pe e dadenge/dajenge šajipena thaj e kompetencie.

E butilina ingardesas e edukativne, psihosocijalne thaj motivacione teme save ačhen an direktno korelacia e responsabilne dadenge/dajenge dikhimasko e čhvarengoro thaj angljaren aktivno rola e romane dadengo/dajengo ando proceso e lenge čhevrenge edukuimasko.

Dži kaj sas e butilina e participantura sas len o šajipe te pharuven eksperience, te vakaren tar o vazdipe e čhavrengo thaj sar komunicirin e čhavrenca, sar den len i drendi vaj stimulanso (pursaka), sar mažutin lenge ando sićipe, so si lenđe jekh lačo dad/i daj, sar te sikaven pes anglal e pire čhavre sar jekh lačho misali.

I realizacia e butilinengo si o kotor e programosko e Germaniake barjarimaske kooperaciako „Inkluzia e Romengi thaj aver marginalizuime grupengi andi Srbija“, savo suportuil o Deutsche Gesellschaft für Internationale Zusammen arbeit (GIZ) GmbH, khetane e e Ministeriumisa vaš e manuškane thaj minoritetne hakaja thaj o amalikano dijalogo.